مين هو ال HR ؟!

HR
دايركت اول ما بنقول لجنة الـHR او Human resources او الموارد البشرية بتترجم ف دماغنا
الانترفيور الرخم🐸...او الاسئلة اللي ملهاش اجابة....او يوم الانترفيو اللي باين من اوله😁
بس الحقيقة الـHR اعمق من كدا بكتير....
إدارة الموارد البشرية هي الإدارة اللي بتهتم بالموظف او المتطوع و بتهيأله جو عمل مناسب عشان يوصل لأعلي درجة من الأداء، عن طريق تطبيق سياسات الشركة أو المؤسسة أو الفريق✊
وبيندرج تحت التعريف دا مهام الإتش آر...
●ليدر الإتش آر مع أعضاء لجنته مسؤولين بوضع سياسة خطة ولايحة تمشي عليها الشركة أو الفريق أو المؤسسة...بتحتوي تلك الخطة على أسس وقواعد سير العمل ع مدار فترة محددة للإنتقال بالفريق لمستوى أفضل
●ودا بيتم عن طريق لائحة تحتوي ع عدة بنود من ضمنها الثواب والعقاب ومراقبة شغل باقي الأعضاء وتقييمه..ومن خلاله بيتم معرفة ما يحتاج إليه الأعضاء من أمور مادية زي سيشنات أو تدريبات...أو أمور معنوية زي حلقات تجمع أسبوعية أو شهرية للفريق حسب الإحتياج
★بإختصار★
الإتش آر مسؤولة عن نفسية الأعضاء وتوفير احتياجتهم وتنظيم الاجتماعات وابتكار الافكار للإرتقاء بالفريق
وبإختصار شديد وزي ما بنقول دايماً
The HR is the Backbone❤✌