1- البزنس لعبة ليها قواعد و علم و سياسة نفس طويل ، مش معني انك شاطر في شغلك أو موهوب أو معاك فلوس عايز تستثمرها ، تروح تعمل بزنس ، لازم تعرف قدراتك الأول و تدرس بيزنس و يبقي عندك خطة واضحة و تطبق باحتراف.
2- دراسة الجدوي مهمة جدا قبل ما تبدأ تعمل أي مشروع لانها بتقولك مشروعك ينفع أو مينفعش أو محتاج تعدل رؤيتك .
3- أوعي تستثمر كل فلوسك في مشروع ..
قسم راس مالك 3 اقسام .. استثمر التلت في مشروع .. وتلت في العقارات .. وتلت في البورصة .. بس اتعلمها الاول علشان متدعيش عليا :)
4- المشاريع اللي فيها شركاء اقوي و أكثر فاعلية ، لكن لازم تتأكد انهم محترفين و متخصصين في المجال غير كده هتلبس في الحيطة و هتخسر كتير اوي .
5- قوة أي بيزنس في قوة فريق العمل مش في قوتك انت الشخصية ، لو فريق عملك ضعيف و انت عبقري هياخدك و ينزل الأرض و العكس صحيح علي فكرة .
6 - البزنس مش مكسب و خسارة ، البزنس إدارة ممكن تكسب و تخسر كتير و ممكن تخسر و تحول خسارتك لمكسب ، إدارة المكاسب و الخسائر هي اللي بتفرق .
7- اتعلم ازاي تخسر قبل ما تتعلم ازاي تكسب ، لأن المكسب مش هيسبب لك مشكلة لكن الخسارة هتبقي مشكلة بالنسبة ليك لو متعرفش ازاي تتعامل معاها و تكسب منها .
8- البزنس اتجاه مش تجربة أو وظيفة مؤقتة ، ده قرار و بتتحمل مسؤليته ممكن تخسر كتير في البداية بس هتكسب في النهاية ... او هتستسلم .
9- التعليم الكويس هيكلفك ، لكن لو متعلمتش ده هيكلفك اكتر
10- اتعلم فن المخاطرة .... لازم تخاطر ، لو بتحب الأمان أبعد عن البيزنس .
11- متعتمدش علي مصدر دخل واحد ، لازم تستثمر و تخلق مصادر دخل كتير .
12- مش مهم هتدفع كام أو ده هيكلفك كام ، المهم ده هيكسبك كام بعدين ، أوعي تبص تحت رجلك .
13- اسمع للمستشارين و المختصين وأهل الخبرة ... الخبرة هتوفر عليك خساير سنين ... #واسأل_مجرب :)
#شارك الموضوع وفيد غيرك :)
ليست هناك تعليقات:
إرسال تعليق